Tuesday, December 2, 2008

എന്റെ പ്രണയം

തണുത്ത ഉറഞ്ഞ ഒരു രാത്രിയില്‍ തീ കാഞ്ഞു ഇരിക്കുമ്പോള്‍ കിട്ടുന്ന ഒരു സുഖം ... അത് പോലെ ആണ് പ്രണയം. ജീവിതത്തില്‍ എന്തിന്റെയൊക്കെയോ ഒരു കുറവ് തോന്നുന്ന ഒരു സമയം . ആ സമയം തണുപ്പില്‍ ഇളം ചൂടു പോലെ നമ്മിലേക്ക്‌ ഒരു വ്യക്തി കടന്നു വരുന്നു.അവളോട്‌ തോന്നുന്ന ഒരു അടുപ്പം അത് ഒരു വികാരമായി മാറുന്നു. അതാണ് പ്രണയം .വളരെ അവിചാരിതമായി ആണ് അവള്‍ എന്റെ ജീവിതത്തിലേക്ക് കടന്നു വന്നത് . ജിമെയിലില്‍ കണ്ട matrimonial സൈറ്റിലെ interest received mail ജീവിതത്തിലെ ഒരു വഴിത്തിരിവ്‌ ആകും എന്ന് ഒരിക്കലും കരുതിയില്ല . പിന്നെ സംഭവങ്ങളുടെ പോക്ക് ഒരു കാറ്റിനെ പോലെ ആയിരിന്നു .ഇടക്ക് അത് ആഞ്ഞു അടിക്കും . ഇടക്ക് മന്ദഗതിയില്‍ ആകും.അവസാനം ഇല്ലാതായി എല്ലാം ശാന്തമാകും .ഇടക്കുള്ള എല്ലാം തടസങ്ങളും അതിജീവിച്ചുള്ള ആ ശാന്തത ഒരു സുഖം തന്നെ ആണ് . എനിക്ക് വഴക്ക് കൂടാനും പൊട്ടത്തരങ്ങള്‍ പറയാനും ഞാന്‍ ആണ് വലിയവന്‍ എന്ന് പറയാനും ഒരാള്‍ .ജീവിതത്തില്‍ എല്ലാം പങ്കു വക്കാന്‍ പകുതി ശരീരം ആയി അവള്‍ ..പ്രിയതമേ ഞാന്‍ നിന്നെ പ്രണയിക്കുന്നു ...